Апрельданул 12-нний Къиргъизиянал Бишкек шагьрулий къуртал хьунни лачIун буккаврил Азиянал чемпионат.

Финалданий мусил медальлал цIанийсса лачIун буккавриву ххюннавасса шама лачIунукку ивкIссар Бахрейннал цачIундур командалувусса Дагъусттаннал легионертал. Амма миннава цаннанвагу нясив хьуну бакъар ххув хьун.
МахIаммадрасул Аслуев (74 кило) финалданий ух ­хьуну ур Япониянавасса дунияллул чемпион Йошиносука Аоягияр 0:2 счетрай. Финалданийнсса ххуллий Аслуев ххув хьуну ур кIия лачIунуккуяр.
ХьхьичIми шиннардийсса Азиянал чемпионатирттайгу ванал кIийлла дурххуссар чарвитул наградартту.
Мукунма бух хьуну бур жула цаймигу лачIунбуккулт – МахIаммадрасул Шарипов (92 кило) ва Шамил Шарипов (125 кило).
КIиягу бух хьуну бур Ираннал лачIунбуккултраяр – Мобин Азимияр (0:1) ва Олимпиадалул тIуркIурдал призер Амир Зареяр (0:4). Финалданийн бияннин мигу ххув хьуну бур цала муттаэтураяр.
Бахрейннал командалувасса уттигу ца Дагъусттаннал вакил Хидир Сайпуттинов (86 кило) лавхъун ур пьедестальданул 3-мур шачIанттуйн.
Четвертфиналданий ва ух хьуну ур Мукулу Дахия тIисса Индиянал лачIунуккуяр (0:9).

ХIасан Аьдилов