Декабрь зурул 30-нний Ккуллал райондалул администрациялул хIаятраву дия чIирисса шадлугъ. Шадлугъравух гьуртту хъанай бия райондалул культуралул зузалт,
Ваччиял школалул дуклаки оьрчIру, администрациялул зузалт ва цаппара идарарттал каялувчитал.
Шадлугъ хас дурну дия райондалул администрациялул къатрал ялтту евро зумунусса ремонт дурну къуртал даврин ва ятIул лиссу кьукьаврин.
Лента кьукьин хьхьичI миллатрал лаххиярттавусса культуралул зузалтрал ва дуклаки оьрчIал ккаккан дуруна къавтIавуртту. Гайннащал къавтIун бизлай бия шадлугърайн бавтIмигу. Миннавух ия Ккуллал райондалул бакIчи Шамил Рамазановгу.