[dropcap]В[/dropcap]ана ккуру лагавай жула оьрмулул шиннардия уттигу ца шин. Ккуллал райондалул циняв шяраваллаву дурунни
ЦIусса шин хьунадакьлакьисса шадлугъру. Мюрщи оьрчIан буллунни Дякъилттаттал цала чувалданува ссайгъатру.
[dropcap]Я[/dropcap]ла агьаммур шадлугъ хьунни райондалул Хъуншяраву – Ваччав. Шикку майданнив чIюлу бувну бия елка. Шадлугъ дайдирхьушиву баян бувуна Дякъилттаттал ва Марххаладушнил. Дякъилттаттал цалчин райондалул жямат барча бан махъ буллуна Ккуллал райондалул бакIчинахьхьун. Шамил Рамазановлул кутIану бувсуна жуяра лаглагисса шинал райондалул жяматрал дянив хьусса дахханашивурттая, бувсуна дуван бювхъусса давурттая.
[dropcap]Я[/dropcap]ла барча бувна райондалул жямат ва чIа куна цинявннал кулпатирттаву дакьаву ва цIуллушиву.
Дякъилттаттал оьрчIайх бавчIуна цала чувалданувасса ссайгъатру.СахIналий хьуна къавтIун бизаву, балайрду учаву, спортрал номерду ккаккан баву. Ва тяхъашивугу най дия кIира-шанна ссятрай.
Жувагу чIа учинну лакрал жяматран ялун дуркIсса шинаву тIайлабацIуртту ва цIуллушиву. Барча зул цIусса шин!
