ХIакьинусса кьини (июньдалул 2-нний) Дагъусттаннай коронавирусрал къашавайсса 93 267инсан ур (гьантлун 3 инсан къашавай хъанай ур). Хъин хьуну ур 89 532 (гьантлун 17 инсан). ИвкIуну ур 3 593 инсан. Ххал увну ур (тестру дурну) 5 146 732 инсан (гьантлун 5063).
Дагъусттаннай самоизоляциялий бивтун бур оьрмулул 60 шин хьусса ва мунияр хъунисса инсантал, ми зий бакъахьурча ва вакцинация дурну дакъахьурча. Республикалул агьалинахь бюхъавай кьатIувппай мабуккару, цайминнащалсса хIала-гьурттушиву чан дара, цаннаяр ца 1,5 метралул манзилданий бацIияра тIий бур.
