Октябрь зурул 12-нний «Дагестанская правда» кказитрал редакциялий хьунни дунияллийх цIа ларгсса аьлимчу, академик, торпедарттал ва ракетарттал ярагъуннил ахттарчи Аьлиев Шамил Гимбатовичлущалсса пресс-конференция.
ХIат-хIисав дакъасса дур Шамил Гимбатовичлул элмулул ххуллий лайкь дурсса хьхьичIуннайшивуртту: прикладной математикалул ва вычислительный техникалул профессор, аьралий техникалул ва ВМФ-рал ярагъуннил техникалул элмурдал доктор ва цаймигу. Аьлимчунал цIа дурххун дур «Аьрасатнал элмурдал академиялул энциклопедиялул» «Корабли и суда» тIисса бутIувун. Мукунна, ванал цIа дур Аьрасатнал хьхьирил энциклопедиялуву аналитикалул проектру даврил гьану бивзсса аьлимчу хIисаврай.
Журналистътуращалсса ирглийсса хьунабакьаврий Шамил Аьлиевлул бувсунни цала сипталийн бувну республикалий сакин буллалисса ОьрчIансса конструкторский бюрорал проектрая. Ванал бусаврийн бувну, конструкторский бюро бан пикрилий ур цала дачалий. Шиккусса кIулшивуртту дулавугу украсса дикIан тIий дур.
Академикнал кIицI лавгунни теоретикалул аралувусса ахттаршиннарду давриву Дагъусттаннал республикалул биялсса бутIа бушиву. Бувсунни элмийсса аьрлий давуртту ахттар даврил бакIщаращуй бивкIшиву «Дагдизель» завод, миккун лекцияртту ккалан букIлай бивкIшиву, Аьрасатнава бакъассагу, чил билаятирттаяссагу машгьурсса аьлимтал.
Хъунасса аьлимчунал цала ихтилатраву цимилгу кIицI лавгунни кIулшивурттал бакъа жула оьрму бигьа ва куклу къабантIишиву ва ялун нанисса никирангу чаннасса бучIантIимур так куртIсса кIулшивурттайну бакъа къабучIантIишиву.
– На ура оьрмул-оьрмулухун кIулшивуртту ласаврил масъаларттаха зузисса инсан.
Яла талихI бумур дур кIулшивуртту дуллалисса ва кIулшивурттал дуниял. ХIисав булларчан, архIала му яла талихI бакъамурнугу хъанай дур. Цанчирча кIулшивуртту дулаву дуну тIий цайминнал биялдарайсса ара. Цинярдагу аьсрурдай къатIайлану ва лайкь бакъа ккаккан буллай бивкIун бур кIулшивуртту дулавриха зузисса къуллугъру цайнма мютIи буллалаву. Ялунгума кIулшивуртту думиннайн ва элмулийн хъарну бикIаву ккаллину дур оьрмулуву хьусса хъунисса хьхьичIуннайшивурттуну.
Ттул пикрилий, гьунар бакъасса оьрчIру къабикIайссар, миннаву гьунар аьч бан, итххяххан бан кIулсса учительталли бикIан аьркинсса, – увкунни Шамил Аьлиевлул.
Ахирданий аьлимчунал жавабру дуллунни журналистътурал суаллахьхьун.
