Июльданул 16-нний Москавлив Аьрасатнал ПрезидентначIасса Дагъусттаннал Муданмасса вакилханалул дунни «Дагъусттаннал Кьини». Ва иширал лагрулийсса концертрал программа хьуссар жулва билаятрал хъун-шагьрулул хъуними паркирдавасса цаннил – «Кузьминки-Люблино» паркрал сахIналий.
[dropcap]М[/dropcap]иллатирттал балайрдая, къавтIавурттая, халкьуннал музыкалул инструментру бишлашисса номердая сакин хьусса концерт дакъасса, ва кьини хьуна чIяву миллатру бусса жулла республикалул халкьуннал канил пишарду чIалачIи буллалисса выставка-ярмаркагу. Ккаккиялун дирхьуну дия унцIукIуллал, оьргърал усттартурал дурсса чIюлушиннарду, бархъаллал тIахIунттив, табасараннал бартбисуртту, жулла республикалул чичултрал ва шаэртурал луттирду, мукунна жулла республикалул аьдатру, багьу-бизу ккаккан буллалисса чIярусса цаймигу затру.
Ва шадлугърай хьуминнал хъунмасса гъирарай ххал бувунни жулла дукрардал тIин-тIааьн. Шадлугърал лахъишиврий личIи-личIисса темардал фотозонардугу тIивтIуну бия, шиккува хьуна халкьуннал канил пишардал мастер-классругу, спортрал бяст-ччаллугу.
