Июньдалул 29-нния байбивхьуну июльданул 4-ннин жулла республикалий дикIантIиссар фольклорданул ва аслийсса культуралул Дунияллул халкьуннал дянивсса ХХ-сса «Горцы» фестиваль. Ва дуллалиссар АьФ-лул ва ДР-лул Культуралул министерстварттал, Аьрасатнал ПаччахIлугърал В.Д. Поленовлул цIанийсса Халкьуннал творчествалул къатлул кабакьаврийну, «Культура» цIанилусса Национал проектрал лагрулий.
Вай шиннардил мутталий фестивальданий гьуртту хьуссар чил билаятирттаясса ва Аьрасатнал 80 региондалиясса творчествалул сайки 60 коллектив.
Гьашинумур фестивальданий гьуртту хьунтIиссар Индиянавасса, Азирбижаннал, Къиргъизнал Республикарттаясса, Донецкаллал Халкьуннал Республикалиясса, Беларусьнавасса, Къалмукьнавасса, Къиримнавасса, Башкортосттаннавасса, Адыгеянавасса, Ставрополлал крайраясса, Пермскаллал, Архангельскаллал, Ростовуллал, Омскаллал, Липецкаллал областирдаясса, Москав ва Великий Новгород шагьрурдаясса коллективру, мукунма жулла республикалул 50-нния ливчусса коллективру.
Фестивальданул лагрулий жулла республикалул шагьрурдай (МахIачкъала, Дарбант, Кизилюрт, Каспийск) ва районнай (УнцIукIуллал, Ккуллал, Къаяккантуллал, Табасараннал, Ахъушиял, Лаващиял, Къайтагъуллал, Шамильский, МахIарамккантуллал) хьунтIиссар чIярусса шадлугъру.
Фестиваль хьунтIиссар «Кизлярский коньячный завод» АО-лул, «Денеб» ОАО-лул, «Гранд Отельданул», Маркаровлул цIанийсса РДЮСШ-лул, «Дельфин 2» цIанилусса бигьалагай базалул, «Дербентский завод игристых вин» ОАО-лул чIарав бацIаврийну.
