[dropcap]О[/dropcap]ктябрь барз хас бувну бикIай бугьараминнан, зурул мутталий чIярусса давурттив дувай бугьараминнан хасну. Мукунсса давурттив уттинингу дунни ва дуллайнма бур Ккуллал райондалийгу. Миннул магъ-бакI дуван, райондалул администрациялул хIадур бувну бия сакиншиндарал комитет. Муний каялувшиву дуллай бур райондалул бакIчинал хъиривмур Илиясова Сабрина.

[dropcap]Я[/dropcap]лтту бувккунни бугьараминнал, дунни миннал ичIура лазилакьавурттал давурттив.
Ялагу, зунттаву ялапар хъанахъисса арамтал, шинну ларг­сса бухьурчагу, зирангнува бушиву ккаккан буллалисса волейболданул турнир хьунни октябрь зурул 12-нний Ваччиял школалул хIаятравусса спорт­рал майдандалий. Волейболданий буккан бучIину бия 60 шинава ливчусса арамтуннан. Бяст-ччалливух гьуртту хьунни 3 команда: Ккуллал, Ваччиял, Вихьуллал.
Соревнованиялул сакиншинначиталну бия Ваччиял школалул физкультуралул учитель МахIаммадов МахIаммад, Ккуллал ва Вихьуллал цачIусса спортшколалул директор МахIаммадов Оьмари, ванал хъиривма Кьурбайтаев ­Аьжуб. Бия шиккува Илиясова Сабрина, администрациялул вивсса политикалул отделданул каялувчи Хизриев Шам­ххал, райондалул Ветерантурал советрал председатель Загьидиев Аьбдул ва цаймигу къуллугъчитал.
Бяст-ччаллал хIасиллайн бувну, цалчинмур кIану бувгьуна Ккуллал, кIилчинмур Вихьуллал, шамилчинмур Ваччиял командарттал. Райондалул администрациялул чулуха дип­ломру буллуна ва цалчинмур кIану бувгьуминнан 10 азарда, кIилчинмур кIану бувгьуминнан 6 азарда, шамилчинмур кIану бувгьуминнан 4 азарда къурушру дуллуна.
Шикку кIицI буван ччива ттуплий буклай бивкIми: Ккулату – Мамаев Рамазан, Мурачуев АхIмад, Ризванов Кьубанчи; Вихьлияту – МахIаммадов МахIаммад, Чаринов Чарин, Халилов МахIаммад. Ласияра вайннаяту эбрат!