Хасъсса аьралий операциялий гьуртту хъанахъисса Ц1уссалакрал райондалиясса хъамитайпалул арснан, ЦIуссаккуллал 2-мур школалул дуклаки оьрчI Кьурбан Къубалаевлун «Хияллал елка» акциялул лагрулий бахшиш дунни Дагъусттаннал КIулшивуртту дулаврил ва элмулул министерствалул.

Ва дия оьрчI ччянияцIава хияллай ивкIсса смартфон. Бахшиш оьрчIахьхьун дулун тапшур бувну бия ЦIуссалакрал КIулшивуртту дулаврил управлениялул хъунмур Светлана Кудаевайн. Кьурбан барчагу увну, ванил чIа увкунни гьар мудангу оьрчIал хияллу бартлагаву. Кьурбаннулгу махъ буллунни ххуйну дуклан.