Дагъусттаннал экономикалул ва территориярттал лябуккулул министр ХIажи
Султановлул пресс-конференциялий бувсунни 2024 шинал Дагъусттаннал
валовый региональный продукт (ВРП) хьунтIий душиву 1 трлн
къуруширттаха лирчусса.

«Промышленнострал хъунмасса кIану бугьлагьиссар экономикалул
лябуккулуву — аьмсса лагрулул 5 %. Промышленнострал идарарттал
(строительствалул материаллу, керамогранит ва пюрун , аьракьул
идарарттал) ккаккан буллай бур тамансса лябукку хъанай бушиву. Минуя
дучIайсса налогру гьарза шаврия хъунмасса кумаг хъанай бур республикалул
бюджетран.

Миннуяр ххишалагу, къюмай тIутIи бугьаврил ва тIутIи зана –
кьала баву гьарза шаврил (хIантту вас окру дуккаву гьарза даврил) хъунмасса
кIану бугьлай бур экономикалул лябуккулуву», — кунни министрнал.
ХIажи Султановлул тIимунийну, строительствалулгу тамансса агьамшиву
дусса дур лябуккулуву. Мукунна туризмагу хъанай дур экономикалул
лябуккулул ца гьанумур къяртта, тамансса асар биян буллай тIий машлул
аралун, жяматрал дукралул кIанттурдайн ва строительствалул иширттайн.
Министрнал кIицI бунни аьркинну бушиву строительствалул материалу ва
аьрщаравусса хан хъус дуккан дуллан, региондалул экономикалуву лябукку
ялунгу хьуншиврул.
ХIажи султановлул бувсунни мукунма дукиялул сурсатирттал багьри лахъ
шаврил сававирттал хIакъиравугу.

ХI. Аьдилов