ХIажи МахIачевлул цIанийсса Элмулул, кIулшивуртту дулаврил ва культуралул фондраву хьунни фондрал премиялул лауреатътал ва грантру ларсми барча буллалисса шадлугъ.
Премияртту дуллуна фондрал президент ПатIимат МахIаммадовал ва ХIажи МахIачевлул арснал, Дагъусттаннал парламентрал депутат Далгат Мах1ачевлул. Вайннал бувсуна фонд хIасул бувну бивкIшиву ПаччахIлугърал Думалул депутат ХIажи МахIачевлул сипталийну, элмулуха, творчествалуха ва культуралул давурттаха бюхъу буну зузисса инсантуран кабакьаву буллансса мурадрай, тания мукьах 24 шинал мутталий республикалийгу, кьатIувгу хьхьичIунсса инсантал барча бувайшиву мусил медальлайну ва ххуйсса премиярттайну. Премиялун лайкь хьуна Дагъусттаннал технический университетрал кафедралул хъунмур, чичу, публицист Нажават Абуева, ингилис мазрайсса «Дагъусттан республика: Тарих, экономика, культура» тIисса луттирахлу.
ДакIнийхтуну барча буллай буру кIулшивуртту дулаврил ва литературалул давурттаха цакуцну магьирну, бюхъу буну зузисса Жанна Абуева! Ва багьавай, лайкьну бивщусса кьиматри. ЦIу-цIусса хьхьичIуннайшивуртту ва цIакьсса цIуллушиву чIа тIий буру.
ПатIимат Рамазанова
