ДР-лул Халкьуннал Мажлисравусса «Единая Россия» фракциялул депутатътурал ххал бивгьунни парламентрал шамийлчинмур сессиялул масъалартту. 

Заседание дачин дурну ия Халкьуннал Мажлисрал председатель, фракциялул каялувчи Заур Аскандаров.
Депутатътурал ххал бивгьунни кIива масъала: «Дагъусттан Республикалул ХIукуматрал председательнал къуллугърай итаншиврул рязишиву дулаврил хIакъираву» ва «Дагъусттан Республикалул Халкьуннал Мажлисрал комитетирттал председательтурал хъиривчутал бувчIаврил хIакъираву».
Фракциялул собраниялул давривух гьуртту хьунни республикалул ХIукуматрал председательнал къуллугърайнсса кандидат МахIаммад Рамазанов. Ванал бувсунни цалла даву дачин дуван пикри бушиву парламентрацIун дахIаву дуну, мунийну бюхъан тIий бур цила чIумал дузал баван цаппара масъалартту.
Депутатътал рязи хьунни МахIаммад Рамазанов ДР-лул ХIукуматрал председательну итан. «Цума ци къуллугърай унугу, жула цинявннал хьхьичI задача цари бусса – жула инсантурал оьрмулул даража лавай баву, республика тIурча, тIутIайх дичаву ва лядуккаву», – увкунни МахIаммад Рамазановлул.
Заур Аскандаровлул тIиму­нийну, МахIаммад Рамазанов зий айивхьунни республикалун яла бигьа дакъасса, региондалийн тIабиаьтрал биян бувсса апатIрал зараллу бухлаган буван багьсса чIумал, га чIумал аьркинну бивкIссар жаваблувсса ххуллурду лякъин, ванаща бювхъуннни давуртту багьайкун бартдигьин.
ДР-лул парламентрал председательнал МахIаммад Рамазановлухь тавакъю бунни кьамул дурсса законну бартдигьаврих къулагъас дуллан. Ванал мукунма гьаз бунни экономикалул масъаларттугу – промышленностьрал производствалул, шяраваллил хозяйствалул ва туризмалулсса – ва цIувххунни, ци бан аьркинссарив вай бутIраву, экономика лядуккан даншиврул. ЛичIину кIицI дурунни муниципал аьрщарай контроль бартбигьлай бакъашиврул, шяраваллил хозяйствалул аьрщив ишла къадуллай бушиврул ва инвестортал кIункIу къабуллалишиврул, мукунма региондалул налогирттал каширду гьарза къадаврил масъалартту.
Премьер-министрнащалсса хьунабакьаврий депутатътурал мукунма сукку бунни региондалий инфраструктура лядуккан даврил масъаларттугу, социал мяъна дусса объектру бувну бакIуйн буккан баврил, дуккаву ва цIуллушиву дуруччаву лядуккан даврил масъаларттугу.
Аскандаровлул МахIаммад Рамазановлухь барчаллагь увкунни даврин мюнпатсса ихтилатрахлу, ва бувсунни фракциялул кабакьлантIишиву ванал сиптардацIун.

ХIадур бувссар
ХI. Аьдиловлул