Совещаниялий гьаз бувсса масъала бия ЦIуссалакрал райондалийсса щархъавусса газ къабувцуну бивкIсса къатравун уква буцаврил масъалалун хас бувсса.
Социал газификация – му дур цIусса проект, Аьрасатнал Президентнал тIалавшиндарайн бувну, щалагу билаятрай иширайну зузи дурсса. Инсантурал къатри дусса кIанттурдайн бияннин ва проектрал лагрулий хIукуматрал уква буцлай бур газ. Так аьркинну бур цала участокрайн бивну махъ къатравун буцинсса проектрах ва оборудование машан ласаврихсса багьа булун.
ХьхьичIва шяраваллал бакIчитурайн тапшур бувну бивкIссар газ къабувцуну бикIсса къатри сентябрь зурул 1-нийнин газификациялул пландалувун дичин.
Къатрал залуннангу аьркинссар шяраваллил администрациялийн лавгун, газ буцаврил хIакъиравусса аьрза чичин.
Совещаниялул хIасиллайн бувну, хIукму бунни, газ буцаврил программалувух гьуртту шавриясса балжисса информациялущал агьали кIул буллалисса даву чялиш дуккан дансса.
