Сентябрьданул 14-нний Ваччав, 16-нний Гъумук «Пушкиннул карта» программалийхчил дуклаки оьрчIан Лакрал театрданул ккаккан бунни хасъсса аьралий операциялул иширттая бусласисса спектакль «Щак багьсса лахIза».

Цала хушрай хасъсса аьралий операциялий ватандалул мурадру буручлан лавгсса Луганскаллал драмалул театрданул актер Александр Александровлул бувсмунил гьанулий драматург Яна Ореховал чивчусса пьесалиясса спектакльданул премьера хьуссия июльданул 24-нний.

Жагьилсса режиссёр ­Руслан Лариннуща бювхъуну бия ­оьрмулул тIайламур чIюлу къабувну, дяъвилул хроника хIала къадурну, сахIналул кьануннайн бувну, тамашачитурахь аьч бан.
«Щак багьсса лахIза» оьрчIан хьунни, анжагъсса литературалул ва магьирлугърал дарсну дакъача, чIумуя бусласисса ихтилатну. Миллатирттал театрду, хIакьсса иширттайн чул бивщуну хIакьинусса кьинилия тамашачитурахь буслай бур бюхханну ва асар хьунну. Постановкалул ккаккан буллай бур жяматрал тIалавшиннардах ттизаманнул Аьрасатнал театрал магьирлугърал къулагъас хъуннасса душиву.