Дагъусттаннал агьалинан кумагру буллай бур фондругу. «Инсан» фондрал 30 миллиондалунсса сбор баян бунни. Вай ялув магъи дакъа ливчIминнан дукия, хIачIия ласун харж дувантIий бур. Мукунма ччясса кумаг аьркинминнан.

«Надежда» тIисса фондрал баян бунни 500 миллион батIинсса ният душиву. «Tooba» тIисса приложениялул кумаграйну 100 миллион бавтIшиву, вайннуватугу 30 миллион цIа ашкара къадурсса инсаннал гьан бувшиву баян бунни.
«Чистое сердце» тIисса фондрал 5 миллион ва чара бакъа аьркинмур датIлатIисса пунктру тIивтIунни.
«Ният» тIисса фондрал волонтертурал ца миллион бавтIшиву ва аьркинмур машан ласлай, агьалиначIан ххилай бушиву баян бунни.
«Закят» тIисса фондрал баян бунни 10 миллион батIинтIишиву. Вайннал 80 тонна хIачIайсса щинал машан ларсун МахIачкъалалийн ва Хасавюртлийн тIайла дурккунни.
«Банк еды «Русь» тIисса организациялул президент Юлия Назарова цуппа бувкIун Дагъусттаннайн, уртакьтуращал архIал дукия, лаххия, шюшу-кьюшулун аьркинмур дарчIунни агьалинайх. Вайнналгу Дагъусттаннай щин сававсса баларду шайхтува сайтрай сбор баян бувну бивкIун бур.
Унгу-унгуну ва хъиншиврул, хъинбалдарал давурттавух хIала бувххун бур цаймигу фондру.
«Авитолийгу» Ухссавнил Ккавкказнавуцириннаща Дагъусттаннал агьалинан аьркинмур датIлатIисса акция баян бунни « #яПомогаю» тIисса хештегращал. Дагъусттаннал агьалинаща хьунтIий бур ва разделданийн бувххун цанна аьркинмур личIи дуван ва, ЯтIул Ххачлил регионал отделениялул кумаграцIух личIи дурмур диян дувайсса сервисрайн буккан.

ПатIимат Рамазанова