Мартрал 6-нний ДР-лул вацIлул хозяйствалул комитетрал председатель
ВахIаб АьбдулхIамидовлул Дагестнская правда кказитрал площадкалий
бунни пресс-конференция.
Ванал бувсунни 2023 шинал дурсса давурттал
хIасиллая ва гьашинумур шинал масъаларттая. АьбдулхIамидовлул
тIимунийну, ларгмур шинал бювхъуну бур бартбигьин вацIрацIун цIу
дагьаву чанг даврил масъала — республикалий хьуну дур дурагу 2 цIу дагьаву
3.92 гектарданий. ХIакьину ххал дигьлай бур вацIрацIун дагьсса цIу лещан
даврил, цIу дагьаврил хьхьичIалу кьукьаврил план.
«Экология» тIисса нацпроект бартдигьаврил задачартту ларгсса шинал
биттур бувну бур 100 процентрал
2024 шинал вацIрал тагьар ххал дигьаву мурадрай Дагъусттаннал ласунтIий
бур 11 пилот акъана леххайсса аппарат.
ВахIаб АьбдулхIамилдовлул тIимунийну, ларгсса шинал республикалий
арендалий буллусса вацIлул участокирттахсса доходру ларсун дур
пландалий ккаккан дурминнуяр гьрзану. Пландалий ккаккан дурну дия 80
млн къурушру ласун, амма ларсун дия иширайну104 млн
къурушру.Комитетрал председательнал личIину бувсунни пиломатериалу
зана-кьала даврил ва хIадур даврил предприятияртту дузал баврил
планнаятугу.
ВацIрал лагру республикалий 2923 шинал чан хьуну дакъар.
Ваналва бувсунни вацIрал иширттаву хIасул хьусса захIматшивурттаятугу:
инсатурал ихтияр дакъана тIаннуя кIалаш дуллай бур дахлан, вацIа бусса
кIанттурдай къатри дуллай бур, арендалий ларсъсса аьрщи цила мурадрай
ишла дуллай бакъар. Миннул хъирив бизлан багьлай бур вацIлул зузалтран.
ХIасан Аьдилов
