Москавлив Аьрасатнал президент Владимир Путин хьунаавкьунни Дагъусттаннал парламентарийтуращал. Хьубакьаврий гьуртту хьунни ДР-лул Халкьуннал Мажлисрал председатель Заур Аскандаров, АьФ-лул Госдумалул делегатътал Хизри Абакаров ва НурбахIанд НурбахIандов, ДР-лул Халкьуннал Мажлисрал председательнал хъиривчу Камил Давдиев, МахIачкъалаллал бакIчи Жамбулат Салавов ва парламентрал депутатътал Имран Аваев ва Мусаапанни Валимурадов.

Заур Аскандаровлул Владимир Путиннул хьхьичIун лавсунни республикалул бакIчинал къуллугърай Дагъусттаннал Верховный судрал председатель Федор Щукин ккаккан аврил хIакъиравусса масъала. ДР-лул ХIукуматрал председательну ккаккан уван маслихIат хьунни АьФ-лул Президентнал СКФО-лийсса вакилнал хъиривчу МахIаммад Рамазанов. Владимир Путиннул тасттикь дунни хьхьичIун ларсъсса кандидатурарттацIунсса цалла рязишин.
Хьунабакьаврий парламентрал спикернал гьартану бувсунни Мамедкъалалив хьусса тагьарданул хIакъираву. Ванал барчаллагь увкунни паччахIлугърал бакIчинахь зарал бивминнан выплатартту дулунсса хIукму цила чIумал баврихлу.
Хьунабакьаврий ххал бивгьунни мукунма Дагъусттаннал энергосистема зузаврил ва коммунал бутIул тагьарданул масъаларттугу.

ХI. Аьдилов