Июль зурул 13-нний Санкт-Петербурглив хьунни Щаллагу Дунияллул халкьуннал дянивсса магьирлугърал кубок «Открытие». Ва щалвагу билаятрал ва кьатIаллил билаятирттал чIава къавтIалтрал цалва гьунардугу, бюхъугу ккаккан буллалисса кIилчинсса конкурсри.
Ваний гьуртту хьусса, Мурад Къажлаевлул цIанийсса .гьунар бусса оьрчIансса магьирлугърал школалул хореографиялул коллективрал, «Килиан» ансамбльданул кубокрал Гран-при, кубок ва арцуйнусса премия ларсуна. — Нагу лавгссияв Санкт-Петербурглив, конкурсрай гьуртту хъанахъисса жулла ансамбльданул коллективрал чIарахбацIуну. Ттул дусъсса душнил Зульмирал ва Мурад-агъанал душ ХIасанова Сапижатгу ва ансамбльданул солисткар. Вайгу Цалчинмур ЦIувкIратуссар. Постановка хореограф, къавтIаврил ва балайлул «Дагъусттан» ансамбльданул лайкь хьусса артистка, кIицI лавгсса школалул педагог Клавдия МахIаммадтIагьировалли.
Ххари бувунна вайннал ххувшаврил, тамашачитал хIайранну гурсса хъатру ришлай бия, ххувшаврил заллухъру жулва гьунар бусса къавтIалтри, бакIссавнил хъуншагьрулия хъунмур бахшишращал занахьусса вайннан цIу-цIусса ххувшавуртту ва тIайлабацIу чIа тIий бура, – увкуна Цалчинмур ЦIувкIратусса Забида Оьмаевал. Жугу, ваницIун бавкьуну, ххи буллай буру: хъинникьай дагъусттаннал оьрчIал цIа магьирлугърал дунияллий гьаз хъанай!
ПатIимат Рамазанова