МахIачкъалаливсса цIуллу-сагъшиву дуруччаврил идарартту цIу ларчIсса иширттая мюхчан баву мурадрай Дагъусттаннал ялув бацIаврил ва профилактикалул даврил управлениялул (УНД и ПР ГУ МЧС РФ по РД) ва МахIачкъала шагьрулул ялув бацIаврил ва профилактикалул 1-мур отделданул зузалтрал сентябрь-октябрь зурдардий бунни «Здравоохранение и социальная защита» цIанилусса надзорно-профилактическая операция. Ванил агьаммур мурад бур азарханардай ва цаймигу агьалинал цIуллу-сагъшиву дуруччаврил идарарттай агьалинал мюхчаншиву дуруччаву.
Операциялул лагрулий дунни цIуллу-сагъшиву дуруччаврил ва социал объектирдай цIу къалачIунсса чаран лякъаву мурадрайсса мероприятияртту.
Операция наниссаксса хIаллай хъуннасса къулагъас дия инсантурал эвакуация дайсса ххуллурду цIарая мюхчанну бурив, кIицI ларгсса идарарттачIан цIу лещан дансса техника гъан хьусса, му ишла дурну ххассал баврил давуртту дансса тагьар дурив ххал даврих, сборно-щитовой къатри цIарая мюхчан даврих, объектрай сигнализация, телефон, къарал бурив, цIу лещан дансса щинал дузалну бурив ххал баврих, мукунна эвакуациялул планну, цIарая мюхчан шаврил хIакъиравусса документру щаллуну бурив, объектирдал персоналданун цIарая мюхчан шаврил тIалавшиннарду кIулну дурив, балики, чани лещарча, дежурствалийсса зузалтрачIа канил дугьайсса электрофонарьду ва цивппа угарданул газрая буруччинмур дурив кIул баврих.
Жу хъунмасса тавакъю буллай буру цIуллу-сагъшиву дуруччаврил ва соцзащиталул объектирдал хъуниминнахь идарарттал къатри цIу къалачIунсса тагьарданий битияра тIий. Гьарица каялувчинан бувчIин аьркинссар цIарая мюхчан шаврил тIалавшиннарду дурурчуссаксса, укунсса ишру чанну хьунтIишиву.
З. Б. Арсланбеков,
виваллил къуллугърал
хъунама лейтенант.
ХIадур бувссар
А. Аьбдуллаевал
