МахIачкъалаллал 33-мур гимназиялий дуккаврил шиндайдихьулул линейкалий гьуртту хьунни Дагъусттаннал Печатьрал ва информациялул агентствалул хъунаманал цалчинсса хъиривмур Наида МахIаммадова.

Дуклаки оьрчIру, учительтал ва нину-ппу барча буллай, ванил кIицI лавгуна, цIусса школарду ва оьрчIал багъру тIитIлатIаву хIисавравун ларсун, Дагъусттан хьхьичI ххуттай бушиву ва уттиния тийнмайгу ХIукуматрал къулагъас дикIантIишиву цIусса школарду баврихгу, оьрчIансса кIанттурду садикирттай баврихгу. Шиккува кIицI лаганну, Наида МахIаммадовал арснал душ Аьйша гьашину ва гимназиялувун цалчинмур классравун лавгшиву ва Цалчинмур гюнгутIигу ванил бивщушиву.
– Ва хIакьинусса байран кьини ххаришиврул, тIааьнсса асардал дуцIай кIулшивурттал хъирив школардайн нанисса мюрщи оьрчIайн я бияйхту. Жул агьулданий ттул арснал душ хъанай бур ва гимназиялийн заназисса шамилчинмур никирал душ, ттул арсналгу, Аьйшал ттатталгу вава школа къуртал бувссар. Барачатсса дуккаврил шин хьуннав, учительтурахьхьун ссавур дулуннав, вайннал лахьхьин бувмур лаласайсса дуклаки оьрчIру гьарза хьуннав, дунияллий паракьатшиву дагьаннав! – увкуна Наида МахIаммадовал.
ПатIимат Рамазанова