ЦIуссалакрал райондалийсса Чапаевкаллал 2-мур школалул 9-мур классрал дуклаки душ ХIусайнова Лаурал, К. А.Тимирязевлул цIанийсса щалагу Аьрасатнал чIава аграртурал конкурсрал республикалул этапрай гьуртту хьуну, конкурсрал комиссиялул хIасиллайн бувну, «Инновационные технологии в растениеводстве» тIисса номинациялий бувгьунни цалчинмур кIану.

Ванил цила проектрай ккаккан дурну дур шяраваллил хозяйствалуву ишла дан бюхъай­сса цIушиннарду: цифралул технологияртту, ххяххияртту анаварну ххяххан дан кумагрансса биотехнологияртту, бакIлахъия чIяру даву дакъассагу, ми хъунмасса хIаллай ядаву мурадрайсса инженер хIукмурду.
ДР-лул КIулшиву дулаврил министерствалул барчаллагь баян бунни хъуннасса агьамшиву дусса конкурсрайн Лаура хIадур бувсса Аьлилова Шамай Аьлиловнайн ва Чапаевкаллал школалул учительтурал коллективрайн.

Имара Саидовал