Вай гьантрай жул ххирасса мямман, ттаттан Сократ Дандамаевлун там хъанахъиссар оьрмулул 90 шин.

Сократ увссар РСФСР-данул ва ДАССР-данул лайкь хьусса учитель, цIанихсса педагог Аьбдул-Кьадир ва ПатIимат Дандамаевхъал кулпатраву. Ванал щалвагу оьрму лавгссар цува увсса, хъуна хьусса буттал шяраву.
1960-ку шинал Шяраваллил хозяйствалул институтгу къуртал бувну, зун ивкIссар ГьунчIукьатIрал колхозрал бригадирну, агрономну.
АцIра шинал мутталий колхозрал председательшиву дурссар. Га чIумал сийлийсса колхозрал партийный организациялул ва райондалул профсоюзрал хъунаману зийгу ацIния ххюра шин дурссар.
Вай шиннардил мутталий Сократ Дандамаев лайкь хьуну ур медаллан, бахшиширттан, барчаллагьрал чагъардан ва хIурматрал грамотарттан.
Пенсиялийн увккун мукьах Сократлул бувссар цалла къатрал хьхьичI багъ, жура-журасса ахъулссаннул мурхьирдащалсса.
Сократ-ттаттан ххирар телевизорданувух бусласисса цIусса хавардах вичIи дихьлан, ххирар кказитру ккалан, лагай ккурчIав щяикIан.
ХIакьинусса кьинигу хIарачат буллай ур шяраву бартбигьлагьисса гьарцагу иширттавух гьуртту хьун.

Урхха жул Сократ-ттатта 
ХIурмат буну, бусравну.
МаслихIат бай жул ттаттал
Агьамшиву ларайсса.

Дусшиву дур жул ттаттал, 
Инсаннайн дакI тIайласса.
Гьалмахталгу бур ттаттал,
Ка-кумаг бан хIадурсса.

Жул аькьилсса дус-ттаттал
Бусайссар жухь магьригу,
Бялахъан буван ттаттал
Байссар жущал тIуркIугу.

ЧIа тIий буру вин, ттаттай,
Оьрму ттуршра шинайсса,
Мугу чанссар вин, ттаттай,
Уну тIий ляличIисса.

Жул акъа чара бакъасса мяммай, ттаттай, булуннав вин ванияр тихунмайгу чIярусса шиннардийсса цIуллусса оьрму!
Ина ххирасса вил кулпат, арсру, жалинтал, душ, куяв, оьрчIал оьрчIру