Дурусну шанна шин ларгунни Украиннал аьрщарай Аьрасатнал аьралий гужирдал хасъсса аьралий операция байбивхьуну. Гьантлия гьантлийн лахъи дур­ккун най дур Ватандалул ххуллий чувшиврий жанну ду­ллусса чиваркIуннал сияхI.

МяйцIалунниха ливчусса бив­сса язисса жагьилтурал цIарду дур ва сияхIрай лакрал миллатралгу. Цавай мурадирайнмвагу къабивсса, цавай, мурад булурчагу, махъ наслу кьабитансса мутта къабуллусса, цавай тIурча цала вилттили оьрчI канил бугьан нясив къавхьусса, цавайгу оьрчIру ятинталну кьабивтун лавгсса. ХIайп!
Лахъи дурккун най дур хасъсса аьра­лий операциялул «БивкIу бакъа полкрал» кьюкьагу, яни ппухълуннал суратру дургьуну патриот акцияр­ттай гьуртту хъанахъисса мюрщултрал кьюкьа.
Аьпа бивкIулияр ххувссар, учай. Буруччинну жущава бюхъайссаксса Ватандалул ххуллий жагьилнува жанну дулун багьсса миллатрал язисса арсваврал аьпа! ДакIния дуккан къарита­нну вай исвагьисса, нурданул пар тIисса симанну, оьрмулух мякьнува лавкьу­сса яру.

Зулайхат Тахакьаева