ЦIуссалакрал райондалул цIуминалий «ЖКХ Новострой» идаралул зузалтрал ччясса чIумул мутталий бакьин бунни экьинанисса щинал бургъу.

Валт дагьну, бургъу хъя куну бия. Бригадалун хъунмасса гуж бувтун зун багьунни чIарахсса районнал инсантал щин дакъа къаличIаншиврул. Хъя кусса бургъулун кIанай цIусса бивхьуну, щин диркIсса куццуй дачин дунни. «ЖКХ Новострой» идаралул вакилтурал бувсунни цIана щинал бургъу нанисса кIанттурдайсса аьрщарал тагьарданул мониторинг дуллай бушиву уттиния тихунмай укунсса ишру къахьуншиврул. Му бакъассагу, укунсса ишру хьун бюхъайсса участок цIакь дансса чаран лякъинтIишиву.