Апрельданул 8-нний Ляховлул кучалийсса «Целитель» центрданул конференц-залдануву хьунни Сиражуттин Илиясовлул аьпалун хасъсса 11-мур Лакрал Кубокрансса кIунурду бичаву.
Апрельданул 12-нний Лакрал Суперкубокрал дачIифиналданий ччалли дурккунни Ялув-ЧIатIлухъиял ва ТIюхчардал кумандартту. ТIюхчардал команда ххув хьунни 4-0 счетрай, ва хьунни Лакрал Суперкубокрал 1-мур финалист. Ххюлуссуннал команда дух хьунни Ххутрал командалуяр 5-0 счетрай, ва хьунни 2-мур финалист.
Лакрал Кубокрал В группалул 1-мур турданий ДучIиннал команда ххув хьунни Ккуллал командалуяр 4-3 счетрай. Уручуллал – 2-мур команда ххув хьунни Кьукуннал командалуяр 2-1 счетрай.
2026 шинал Лакрал Суперкубокрал финалданий ТIюхчардал команда дурккунни Ххутрал командалущал. ТIуркIулул хIасил хьунни 1-1. Лакрал Суперкубокрал чемпион хьунни Ххутрал команда.
2026 шинал Лакрал Кубокрал А группалул 1-мур турданий «Ххут-2» команда дух хьунни ЧIяйннал командалуяр 1-4 счетрай. Хъурхърал команда ххув хьунни Хъюйннал командалуяр 7-1 счетрай. Хъурхърал команда дур А группалул 1-мур ххуттай.
Лакрал Кубокрал Д группалуву 1-мур турданий ЧукIуннал команда ххув хьунни Карашрал 2-мур командалуяр 5-0 счетрай.
2026 шинал Лакрал Кубокрал Д группалул 2-мур турданий
ЦIуссачIурттащиял команда ххув хьунни Гьущиял командалуяр.
2026 шинал Лакрал Кубокрал 2-мур турданул тIуркIурдал хIасиллу:
«ГьунчIукьатIи -2» – «ЦIуссаккул» 1-3
«Караши» – «Уручул» 5-3
«Ялув-ЧIатIлухъи» – «Читтур» 1-5
«Дюкъул» – «Ккул-2» 2-3
«ЧIурттащи» – «ЦIуссалак» 1-3
«Хъусращи» – «Ххюлуссун» 4-1
«Гьамиящи» – «Ваччи-Щунудагъ» 7-2
«ТIюхчар» – «ДучIи-2» 2-1
«Ххут» – «Шахьуйми» 5-0
«Хьур» – «Гъумучи» 0-4
«Гьущи» – «ЦIуссачIурттащи» 2-3
ХI.Аьдилов
