Ккуллал райондалул бакIчи Шамил Рамазановлуя ва Къизилюртуллал райондалул бакIчи Рустам Татархановлуя «Дува бахшиш вила аьзизсса школалун тIисса» акциялул эстафета кьамул дурну, апрельданул 5-нний Лакрал райондалул бакIчи Юсуп МахIаммадовлул, цала къуртал бувсса Вихьуллал школалун, ядигар бунни компьютер ва оьрчIру ГТО-лийн хIадур байсса ттупанча.
Вара кьини Юсуп МахIаммадов Гъумучиял школалийнгу ивну, ядигар бунни теннисрай буккай стол ва муницIун аьркинсса кьай-кьуй.
– Гъирарай кьамул дував ттула даврил уртакьтурая ва гьалмахтурая Республикалул бакIчи Сергей Меликовлул амрулийн бувну щурущи дурсса ихIсандалул марафон.
Аьзизсса школалул шартIру къулай даврил ххуллий укунмасса акция райондалул вивгу барча хъинну чIалай, эстафета дуллай ура ттула хъиривчувтурахьхьун – Абакар Къюннуевлухьхьун ва Явсупи ХIамзаевлухьхьун, райондалул Депутатътурал мажлисрал хъунама Шяпи Щурпаевлухьхьун.
Республикалул лагрулий тIурча, эстафета дуллай ура ЦIуссалакрал райондалул бакIчи Мамат1и ХIамзатовлухьхьун ва Сергокъалаллал райондалул бакIчи МахIаммад Оьмаровлухьхьун, – увкуна Юсуп МахIаммадовлул.
