[dropcap]Ц[/dropcap]Iуссалакрал райондалул шяраваллавусса школардай КIулшивурттал кьини хьунадакьин бавтIун бия цалчин школалийн нанисса мюрщулт ва хъуними дуклаки оьрчIру, миннал нину-ппу, шяраваллил агьали, хIурмат лавайсса хъамал.

[dropcap]Г[/dropcap]ьашину ЦIуссалакрал райондалул цIуминалийсса школардай дуккаврил шин хьунадаркьунни 2390 оьрчIал, миннава цалчинмур классравун кьамул бунни 295 оьрчI.
ЦIусса дуккаврил шинащал оьрчIру барча буван бувкIун бия ДР-лул КIулшивуртту дулаврил министерствалул ва райондалул идарарттал зузалт, депутатътал.
Дуккаврил ххуллий цалчин­сса шаттирду ласласисса мюрщултрахь вайннал бувсунни цуксса хъуннасса каши ду­ссарив дуккаврихь, чIа увкунни дуккавриву ва спортраву хьхьичIуннайшивуртту.
Ва кьини хъуними классир­ттаву дихьлай бия «ХьхьичIунмай кIункIу хьуну нанисса Аьрасат» тIисса дарсру.