Аьрасатнал ПаччахIлугърал Ттугълил кьини «Аьрасат – ттул тарихри» тIисса паркрал хьхьичIсса майданнив хьунни шадлугърал мероприятие.

Шикку гьуртту хьунни Дагъусттаннал Росгвардиялул управлениялул зузалт ва аьралитал. Мероприятиялул сакиншинначиталну бия Дагъусттаннал Жагьилтурал иширттал министерство ва «Волонтеры Победы» тIисса щалагу Аьрасатнал жяматийсса суккушинна. Гьурттучитурал тIитIин бунни ттугълил рангру дусса хъунмасса янналул парча. Ххувшаврил волонтертурал дуллунни Росгвардиялул зузалтрахьхьун ттугълил рангру дусса лиссурду ва бувсунни байрандалул тарихрая.

«Аьрасатнал ттугъ хъанахъиссар жула билаятрал цIакьлил, мунил авадансса тарихрал ва ххазинасса ирсирал лишанну. ХIакьину му ттугълилу, ттаттахъал чувшивугу дакIнийну, буручлай буссар билаятрал мурадру жула чиваркI. Укунсса патриот акциярдал мурадгу жагьилсса ник Ватан ххирану, паччахIлугърал лишаннал хIурмат буну тарбия шавур», – кунни Дагъусттаннал Росгвардиялул управлениялул клубрал каялувчи, хъунмур лейтенант Лайла РахIимовал.

Андриана Аьбдуллаева