Ларгсса шин къуртал хъанахъисса гьантрай Дагъусттаннал БакIчи Владимир Васильевлул Совет Союзрал кIийла Виричу АхIмад-Хан Султаннул цIанийсса медаллу дуллунни 1-мур
ЦIувкIратусса профессортуран – АьбдурахIман Халиловлун ва МахIаммадбаг ХIусайхановлун. Ва жагьилтал патриот зумуну тарбия бавриву хъунмасса бутIа бивхьуминнан дулайсса медалли, бюхттулсса лётчикнал цIагу хIурматрай ва пахрулий ядаву мурадрайгу цIакь дурсса.
ПатIимат Рамазанова
[dropcap]В[/dropcap]ай кIиягу цIувкIрачунан АхIмад-Хан Султаннул цIанийсса медаллу дулаву – тIайлану тIайлабавцIусса ишри. Уттинин ва медаль дуллуссар гьашину аьпалухьхьун лавгсса генерал Оьмар Муртузааьлиевлун, 1-мур ЦIувкIратусса фронтовик, полковник Аьлил СантIуевлун (ва ца фронтовик ливчIун уссия ЦIувкIратусса, вагу дукIу дунияллия лавгунни). АьбдурахIман Халилов ва МахIаммадбаг ХIусайханов, буниялттунгу, хIакьсса тарбиячиталну хIисав хъанахъиссар, Дагъусттаннал паччахIлугърал университетрал преподавательтал хIисаврайгу, ЦIувкIуллал жяматийсса советрал хъуними хIисаврайгу.
КIинналагу хьхьичIунсса гьурттушинна дурссар АхIмад-Хан Султаннул цIа абад дуллалисса давурттавугу: ЦIувкIрав, МахIачкъалалив, Каспийскаллал аэропортрай, Ваччав ва Ярославрай гьайкаллу дацIан дувавриву, чIава «ахIмадхановцынал» кьюкьравун кьамул буллалисса оьрчIан дулайсса «Юный аметхановец» ва хъуниминнан дулайсса «Аметхан Султан» тIисса лишанналсса бувавриву ва цаймигу ккалли дувансса давурттаву. ЧIун-чIумуй вай хьунабакьайссар шяраваллил жагьилтуращал, насихIатчитал хIисаврай.
[dropcap]Я[/dropcap]лун дуркIсса цIусса шинаву АхIмад-Хан Султаннун ттуршра шин хъанахъисса юбилейгу духьувкун, ва юбилей ЦIувкIравгу лайкьсса даражалий кIицI лагансса ниятрай, дукIува Ккуллал райондалул хъуниминнайнгу, республикалул хъуниминнайнгу бувккун, хIадуршиннараха зий буссар. Вайннал кIулшивурттугу, бюхъу- хIарачатгу уттигу цимилгу бучIи лякъинтIиссар.
ДакIнихтуну барча буллай буру кIиягу! Зухьхьун дуван дакIниймур бартдигьинсса цIуллушиву дулуннав!