Цинявппагу педагогтуран дунни бахшишру ва пишкаш бунни тIутIал кацIру

[dropcap]А[/dropcap]вгуст зурул 27-нний ЦIуссалакрал райондалул администрациялул актовый залдануву хьунни педагогтурал даврил

хIасиллу дуллалисса ирглийсса конференция. Конференциялул даву дайдишин хьхьичI жанахIраву тIиртIуну дия ЦIуссалакрал райондалул дуклаки оьрчIал творчествардал выставка.

Имара Саидова
[dropcap]Ш[/dropcap]икку гьуртту хьунни ЦIу­ссалакрал райондалул бакIчи ХIажи Айдиев, кIулшивуртту дулаврил масъалартталсса буллалисса ванал хъиривчу ХIажи ХIажиев, КIулшивуртту дулаврил управлениялул хъунмур Светлана Къудаева, ЦIуссалакрал райондалул шяраваллал бакIчитал ва школарттал директортал, учительтал.

Совещаниялул даву дайдирхьунни ХIажи Айдиевлул. Барчаллагь увкунни оьрчIан кIулшивуртту дулавриву ва ми тарбия бавриву бихьлахьи­сса захIматрахлу. ЧIа увкунни цIусса дуккаврил шинаву тIайлабацIуртту ва хъунисса кка­ккияртту хьун даву.

Дуккаврил шинал хIасиллу дуллалисса гьарта-гьарзасса док­лад бунни Светлана Къудаевал. Цила ихтилатраву ванил кIицI лавгунни хIакьинусса оьрмулуву райондалул экономика, агьалинал социал оьрму хьхьичIунмай бавриву кIулшивуртту дулаврил системалул бияла хъунма­сса бушиву.
ДЮСШ-рал директор Анзор Абакаровлул бувсунни райондалий ларгсса шинаяр гьарза хьушиву спортрахун багьсса жагьилтал. Му бакъассагу, чIаланну къулай хьушиву спортшколардайсса материаллал ва техникалул базардал тагьар. Ванал мукунна кIицI ларгунни ларгсса шинал райондалул спортсментурал, личIи-личIисса бяст-ччаллаву гьур­тту хьуну, дурсса хьхьичIунсса хIасиллу.

Конференциялий ихтилатру бунни ххисса кIулшивуртту дуллалисса идарарттал каялувчитуралгу. Бувсунни цала тарбиячитурал ларгсса дуккаврил шинал дурсса хIасиллая.
Ихтилатирттая махъ давриву хьхьичIунсса хIасиллу чIалачIи дурсса учительтуран дуллунни АьФ-лул ва ДР-лул КIулшивуртту дулаврил ведомствардал чулуха­сса наградартту.
Райондалул бакIчинал цинявппагу учительтуран пишкаш бунни тIутIал кацIру.