Апрель зурул 11-нний Ккуллал райондалул администрациялул залдануву хьунни ирглийсса Райондалул собраниялул депутатътурал сессия.
Сессиялий ххал бигьлагьисса масъаларттуну бия: райондалул бакIчи Шамил Рамазановлул ларгсса шинал дурсса давурттая бусаву, райондалул ххуллурдал ялувсса идаралул хъунама Аьвдулхаликь ТIутIилаевлул дурмуния бусаву, райондалул кIулшиву дулаврил управлениялул каялувчи Камил ТIилиевлул цаламур даврия бусаву, Ккуллал ва Лакрал цачIусса «Лакский» тIисса полициялул хъунаманал буржру чIумуйну биттур буллалисса Халил Аьлиевлул цала даврия бусаву ва цаймигу масъалартту.
Цинявннал бувсминнух вичIигу дирхьуну, сессиялул ахирданий кьамул бувуна хасъсса хIукму.