«Илчи» кказитрал сайки гьарца номерданий бусара Ккуллал райондалий Хъуннеххайх буллалисса ламуя. Шиккусса давуртту лябуккулий най дур, чIал къархьуну дузал хьунссар.
Ца кьинилия гамур кьинилийннин янилун дагьлагьисса давуртту дурну дикIай. Вана, уттигъанну на даврийн най, ламучIан ивсса чIумал, гиккусса давурттай каялувшиву дуллалисса Агъаев Алимлул, ттуйн кагу галай дурну, ламучIан гъан хьу куна. Яла ганал: «Ттун ччай бур ва жула ламуйх ахьттасса цалчинсса инсанну ина хьуну, ачу, шиха тихун ияннин», — куна. Гьай-гьай, нагу ххарину лавгссияв ламуйх. Хъамакъабитулун рища куссия ттула суратгу Алимлухь. Хъунмасса барчаллагь ва тарихраву личIантIисса иш ттула оьрмулуву хьуну тIий!
