Барча Дагъусттан
Республикалул
Конституциялул Кьини!

ХIакьину жура кIицI лаглаги­ссару жула тарихраву агьам­сса иширан ккаллисса байран – Да­гъусттан Республикалул закон кьамул дурсса кьинилун хасъсса.

Конституциялул цIакь дурссар паччахIлугъ зумунусса республикалул сакиншин, цIакь дурссар да­гъусттан обществалул кьараллу, ца яла бюхттулми ххазинарттуну баян бувссар инсаннал ихтиярду ва тархъаншиву.
Конституциялул хIакьинусса Дагъусттаннал чIалачIин ккаккан даву дакъассагу, цивунна ларсъссар Зунттал билаятрал рухI — жула миллатирттал ттуршрахъул шиннардий­сса дусшиврул традицияртту, цалва тарихрал ва культуралул кьадру-кьимат, буттал аьрщарахсса аякьалийсса ччаву. Ми ххазинарттайн иман дирхьуну буну тIийри жущара хIакьину нахIушиву ва дакьаву дуру­ччингу бюхълахъисса, Аьрасатнал Федерациялул дянив республикалул цашивугу ядан хъанахъисса.

Кьуния ххюра шинал хьхьичI Конституциягу кьамул дурну, Дагъус­ттаннал чIалачIи бувссар кьасттирай цила язи бугьлагьишиву социал ххуй-хъиншиврул чулийнмайсса, граждан общество сакин даврил цIанийсса ххуллу. ХIакьинугу ми принципру жунна яла хьхьичIунмири. Циняв­ппагу цачIун хьуну, жува бартбигьлай буру жула республикалул оьрмулул цинярдагу арардавусса мурадру, чан-чанну тIий дихьлай буру миннуву низам.

Конституциялул тIалав­шин­дарайнгу хъар хьуну, паччахI­лугърал ва республикалул законнугу дурур­ччуну, жува зузиссару инсантурал барачатрал цIаний, захIмат буллалиссару жула къатта – Дагъусттан тIутIайх бичин баврил цIаний.
ЧIа тIий ура зун цIакьсса цIу­л­лушиву, ххуй-хъиншиву, нахIушиву, цIу-цIусса тIайлабацIуртту ва хьхьи­чIуннайшивуртту, республикалулгу ва щала Аьрасатналгу мурадру щаллу шаврил ххуллий!

Дагъусттан Республикалул
БакIчи В. Васильев