Дагъусттан Республикалул Конституциялул Кьини республикалул каялувчи Сергей Меликовлул хьхьичIунну зузисса инсантуран дуллунни Аьрасатнал ва Дагъусттаннал паччахIлугърал наградартту, ДР-лул паччахIлугърал премияртту ва Расул ХIамзатовлул цIанийсса премияртту.
[dropcap]Н[/dropcap]аградартту ларсунни 20-нная ливчусса дагъусттанлувтурал, ДР-лул паччахIлугърал премияртту- 14-ннал.
Руслан АьбдулхIалимовлун дуллунни «Жагьилтал ватан ххирану тарбия баврил ххуллий бивхьусса захIматрахлу»тIисса АхIмад-Ханнул цIанийсса медаль. Ванал арс Сяидлул жан дуллуссар цала дус ххассал уллай.
Аьрасатнал паччахIлугърал награда- Пироговлул орден дуллунни Бабаюртуллал райондалул азарханалул анестизиологиялул отделениялул хъунама МахIаммадрасул Рабадановлун. РКБ-лул анаварсса медициналул кумаграл хъунмур цIимилул ссу Чакар Шагидован дуллунниАьФ-лул Президентнал ХIурматрал грамота. «Дагъусттан Республикалул хьхьичI лайкь шаврихлу» тIисса орден дуллунни аьлимчу-зоотехник ДР-лул аграрий элмулул центрданул отделданул каялувчи Аьбдусалам Хожоковлун.
Республикалул цалчинма вице-премьер Нюсрет Оьмаровлун дуллунни «ДР-лул социал –экономикалул лябуккулуву бивхьусса захIматрахлу» тIисса медаль. Мукуннасса медаль дуллунни «Кизлярский электромеханический завод» концерналул гендиректор Ибрагьим Ахматовлун.
Ухссавнил Ккавкказуллал муххал ххуллул хъунаманал хъиривчу Захар Адамовлун дуллунни «ДР хьхьичI лайкь шаврихлу» тIисса орден.
[dropcap]П[/dropcap]аччахIлугърал премияртту дуллунни 5 номинациялий: элмурдал ва техникалул; литературалул; публицистикалул; театрданул искусствалул ва кинорал; музыкалул искусствалул, концертирттал, балай учаврил ва къавтIаврил арардаву.
Расул ХIамзатовлул цIанийсса премия ларсунни «Медовые родники» тIисса луттирахлу Тубхат Зургаловал. ПаччахIлугърал премия дуллунни МахIаммад Аьлиевлун «Тайная тетрадь» тIисса луттирахлу. ПаччахIлугърал премия дуллунни элмийсса захIматру чичаврихлу ХIамид Бучаевлун.
Публицистикалул лагрулий паччахIлугърал премияртту дуллунни: Шалласу Шалласуевлун, МахIаммад Оьмаровлун, Руслан Къардашовлун «Помним, любим,гордимся» тIисса луттирахлу. Лу премиялул комиссиялул хьхьичIун лавсъссар «Илчи» кказитрал редакциялул.
Наградартту ва премияртту дуллунни цайминнангу.
