Лакрал райондалул бакIчи Юсуп МахIаммадов ялтту увккунни цIуну дуллалисса детсадрал къатрал. Ванащал бия Гъумучиял шяраваллил бакIчи МахIаммад ХIусниев ва КIулшиву дулаврил управлениялул каялувчи Явсупи ХIамзаев.

ХIакьинусса кьининийн къат­ри дурну къуртал хьуну дур, дан лирчIун дур так кьатIухсса давур­тту. ОьрчIансса площадка щалва плиталул бакьин тIий бур. Микку бишин тIий бур беседкарду, качеларду, бугьан тIий бур мурхьру. Райондалул бакIчи рязину ливчIунни уттинин дурсса ва дуллалисса давурттая.
«Давуртту сайки цинярда дурну къуртал хьуну дур. Исвагьи­сса, яргсса, чаннасса, бунияла мюрщултран лайкьсса къатри хьуну дур. ДуркIссар гьарца аьркинсса мебель, кухнялунсса ва столовыйлунсса кьай-кьуй», — увкунни Юсуп МахIаммадовлул.
Умуд бивхьунни чIал къавхьуну, ккаккан дурсса кьини детсад тIитIин бюхъанссар тIий.
Муния махъ райондалул бакIчи ялтту увккунни бярнил лагма-ялтту дуллалисса давуртталгу.