[dropcap]Я[/dropcap]нварь зурул 28-нний «Справедливая Россия – За справедливую медицину» тIисса акциялул лагрулий МахIачкъалаллал Агьалинал
ихтиярду дуруччайсса центрданул каялувчи Аьлил ХIамзаев ивунни Ккуллал райондалул азарханалийн.
Имара Саидова
[dropcap]Ш[/dropcap]икку ва хьунаавкьунни райондалул азарханалул хъунама хIакиннал хъиривчу Рашид Буржуновлущал. Райондалул азарханалул тагьар ххал диргьуну махъ, ХIамзаевлул цIухху-бусу бунни шикку хъин хъанахъисса къашайшалтрахь. 
ХIакьину Ккуллал райондалул азарханалий зий ур 30 хIакин. Дузалну бур шикку къашайшалтран булун ккаккан бувсса цинявппагу даруртту. КъахIисав хьунни хъин хъанахъисса къашайшалт хIакинтурая рязи бакъасса кIанттурду.
КIицI лаганну, 2017 шинал Ккуллал райондалул азарханалий цIуллу-сагъшиврул ссуссукьушиву дусса инсантуран ккаккан дурсса цинярдагу шартIру дузал дуршиву.
ЦIанасса чIумал райондалул азарханалий щаллу бан багьлай бур анестезиолог ва операцияртту буллалисса хирург акъашивруцIун бавхIусса масъалартту.
Мукунма райондалул азарханалий цIурувкьюсса масъаларттуну бур УЗИ-лул аппарат, азарханалул транспорт цIу дуккан даврил ва поликлиникалул, амбулаториялул ремонт даврил хIакъиравуссагу.
