Декабрь зурул 14-нний ЦIуссалакрал райондалий, администрациялул бакIчи ХIажи Айдиевлул каялувшиннаралу, хьунни ирглийсса аппаратрал совещание. Микку гьурттушинна дунни райондалул бакIчинал хъиривчутурал, шяраваллал бакIчитурал ва райондалул идарарттал каялувчитурал.
Совещаниялул даву дайдихьлай, ХIажи Айдиевлул шяраваллал бакIчитурахь барчаллагь увкунни, ккаккан дурсса доходирттал план биттур даврихлу. Мукунма ХIажи Шихамировичлул бувсунни райондалий ЦIусса шинан хасъсса мероприятияртту дуллансса комитет сакин бувну бушиву. Райондалул шяраваллал бакIчитурайнгу тапшур бунни ЦIусса шин хьунадакьаврин хас дурсса байранну тIайла дуккаву.
Хъирив совещаниялий ххал бивгьунни райондалул администрациялул, идарарттал структурарду мяйжан даврин ва цIакь даврин хас бувсса масъалартту. Райондалул бакIчинал бувсунни вайннул хIакъиравусса хIукму кьамул бантIишиву декабрьданул 21-нний хьунтIисса Райондалул Мажлисрал депутатътурал сессиялий.
