[dropcap]В[/dropcap]а зурул 2-4-нний Грозный шагьрулий хьусса «Золотые россыпи талантов» тIисса ХVIII-мур дунияллул халкьуннал дянивсса конкурсрай хъунмасса тIайлабацIулущал гьуртту хьунни Лакрал театрданул жагьилсса артистка Зульфия Архилаева.Мукьва номинациялий гьуртту хьуну, цинявннуву лайкь хьунни лавайсса даражалул наградарттан. КIива номинациялий «Народно-стилизованный вокал» ва «Эстрадная песня на иностранном языке» (Уитни Хьюстоннул репертуарданувасса ингилис мазрайсса балайлухлу) Зульфия лайкь хьунни фестивальданул Гран-Прилун.

---

«Халкьуннал балайлул» номинациялий «Ккурккуллал Щаза» спектакльданувасса Щазал балайлухлу лайкь хьуну бур «Серебряный голос» титулданун. «Военно-патриотический балайлул» номинациялий бувгьуну бур шамилчинмур кIану.
— На хъунмасса барчаллагьрай бура театрданул каялувчи Бадрижат Набиевнайн, нава ва сий лахъсса конкурсрай гьуртту хьун кабакьаврихлу, — тIий бур Зульфия, цуппа ва фестивальданий Лакрал театрданул лажин ккаккан дуллай бивкIшиву кIицI лаглай.

[dropcap]З[/dropcap]ульфия театрдануву зун бувкIун бур 2015 шинал, ДГУ-рал культуралул факультетрал актертал хIадур байсса отделениялул махъва-махъсса курсирай дуклай бунува. Ванил дебют – «Невыплаканные слезы» спектакльдануву Апанни Къапиевлул кулпатрал Наталиял роль. Гьурттуну бур сайки цинявппа спектакллаву. АрхIалва дуклай бур МахIачкъалаллал музыкалул училищалул вокалданул отделениялий.
ДакIнихтуну барча тIий буру Зульфияхь хъуннасса ххувшаву, чIа тIий буру тIайлабацIу!