[dropcap]Б[/dropcap]айрандалул гьант­рай цIу­миналийсса Шушиннал шяраваллил жяматран ххаллилсса бахшишну хьунни уттинин шяраву къабивкIсса библиотека тIитIаву.

Жяматран хъунмасса мюнпат бусса «луттирдал кюру» тIитIаврил давриву кабакьу бунни ЦIуссалакрал райондалул бакIчи ХIажи Айдиевлул, райондалул Культуралул, спортрал, туризмалул ва жагьилтурал политикалул управлениялул хъунмур ХIабибат Буттаевал, Шушиннал школалул директор Шакират Шарапуттиновал.

ЦIуну тIивтIусса библиотекалуву бур Аьрасатнал, чил билаятирттал автортурал чивчу­сса 2000-ннийн бивсса луттирду. Библиотекалуву бур элмий­сса сборникру, методикалул ва учебный пособияртту, энциклопедияртту.
ЦIусса дуккаврил шинал пик­рилий бур ши­кку машгьурсса инсантуращал­сса хьунабакьавуртту ва мастер-классру буллан.