Вай гьантрай Ккуллал райондалул администрациялул залданувун бавтIун бия 2016-ку шинал мусил медалданущал школа къуртал бувсса оьрчIру.
Гьашину райондалий 11 класс къуртал бувну бур 73 дуклаки оьрчIал. Миннавату мусил медаллу ларсунни 14 оьрчIал:
Абакаров МахIаммад, Амучиева Карина, Ккуллал 2-мур школа; ХIажиева ПатIимат, Ккуллал 1-мур школа; Загьидиев МахIаммад,Загьидиева Мальвина, Рамазанов Аьлил, Рамазанова Уммукусум, ХIажиев МахIаммад, Ваччиял школа; Каркаева Минаят, Хъусращиял школа; Рамазанова Тамара, Султанов Султан, ЧIяйннал школа; ХIусайнова Карина, МахIаммадова Шагьун, Мянчиева Зульмира, Вихьуллал школа.
Вай бакъагу, 2014-ку шинал дулун багьлай бивкIун бунува, къадуллуну лирчIсса медаль дуллуна Ккуллал 2-мур школа къуртал бувсса МахIаммадова Зареман.
Медаллу, администрациялул чулухасса барчаллагьрал чагъарду, арцу дусса конвертру, тIутIив ва Василий Шукшиннул «Шамилчин ажарттул э-оь учиннин» тIисса лу гьарцаннан буллуна Ккуллал райондалул бакIчи Сулайманов Сяидлул. Мажлисрай гьуртту хьунни оьрчIал нину-ппу, учительтал, школарттал директортал, администрациялул зузалт, идарарттал каялувчитал, Дагъусттаннал бакIчинал зунттал районнал вакилнал хъиривчутал СалихIов Аздар ва Мажидов МахIаммад.
ОьрчIру барча бувна цаппара нитти-буттахъал, школарттал директортурал ва хъамаллурал. Яла, кьатIув бувккун, рирщуна хъамакъабитулунсса суратру.
Ххуллухъин баннав зун дуккавриву виричушиву дурсса оьрчIрув!
