Октябрь барз баян бувай Бугьараминнал барзну. Мунийн бувну Ккуллал райондалий му барз лавгунни бугьараминнащалсса хьунабакьавуртту дуллай, гайннал шаппайн лавгун, къатта-къушливусса кушурду буллай, шяраваллал администрациярттал ссупра тIивтIусса хьунабакьавуртту дуллай. ХIасил, учин бучIир Ккуллал райондалий яхъанахъисса бугьарасса инсантал шяраваллал администрациярттал, райондалийсса социал къуллугъирттал итталу бушиву кIицI буван ччива.
Хъиннува ххуйну хьунни райондалул Ветерантурал советрал хIасул бувсса бугьараминнал дянивсса балайрдал конкурсгу. Ваний бия 3 номинация: «Халкьуннал балай», «Миллатрал къавтIаву», «Халкьуннал музыкалул инструментирттай макьанну руцаву». Конкурсраву гьуртту хьунни 14-гу шяравасса бугьарами. Конкурс байбишиннин хьхьичI, вай бугьараминнал зурущал барчагу бувну, тIайлабацIу чIа увкуна Ккуллал райондалул администрациялул вивсса политикалул отделданул бакIчи Хизриев Щамхаллул ва райондалул Ветерантурал советрал председатель Загьидиев Аьбдуллул.
Конкурс къуртал хьуну махъ дурсса жямрайн бувну укунсса кIантту бувгьуна: халкьуннал балай учавриву ххув хьуна Ккуллал шяравасса МахIмудов Адам, миллатрал къавтIавриву – ЧIяйннал коллектив, халкьуннал музыкалул инструментирттай руцавриву – 1-мур ЦIувкIратусса Каримов Рамазан.
