ДакIнийхтуну барча тIий ура Хъун дяъвилул ветерантурахь, къинттуллух зий бивкIминнахь, циняв дагъусттанлувтурахь, бюхттулсса байран – Ххувшаврил Кьини!
Майрал 9 жулла Ватандалул пахрулул, кьуватрал ва бюхттулшиврул лишанни. ЗахIматсса бия ХхувшавричIансса ххуллу, хIат-хIисав дакъасса баларду, дардру, хажалатру ларсун бувкIссар инсаниятраву кIулсса дяъвирдавату яла оьхIалмур, чIявусса оьтту экьибувтIумур дяъвилул.
Жулва билаятрал миллатирттал цашиву ва куннал ку бугьаву, ватан ххирашиву, къинттуллух зузиминнал хIарачатру хьуссар Буттал КIанттул цIанийсса Хъунмасса дяъвилий Ххувшаву ласаврил бакIщаращину, щаллу дурссар тархъаншиву ва жулла Ватан тIутIайх дичаву.
Жува пахру буллай буру Бюхттулсса Ххувшаву ласавриву лайкьсса захIмат бивхьуну тIий Дагъусттаннал цIа дурксса арсваврал ва душварал. 180 азаруннаяр ххишаласса дагъусттанлувтал талай бивкIссар Хъун дяъвилул фронтирдай, гьарца кIилчинманал жан дуллуссар жулла Ватандалул тархъаншиврухлу. 62 дагъусттанлувнан дуллуссар Совет Союзрал Виричунал цIа ва Аьрасатнал Виричунал цIа.
Ххувшаврил Кьини кIицI дуллай, жува барчаллагьращал дакIнийн бичлай буру фашизмалуяр ххув хьуми, хIурмат буллай буру цIанагу сагъсса фронтовиктурал ва дяъвилул къинттуллух зий бивкIминнал, икрам буллай буру Ватандалул тархъаншиврухлу жанну дуллуминнал хьхьичI.
Циняв дагъусттанлувтуран чIа тIий ура цIакьсса цIуллушиву, паракьатшиву ва барачат.
Дагъусттан Республикалул БакIчи
Рамазан АьбдуллатIипов
