Хъун дяъвилул гьурттучитал райондалий утти ливчIун бакъахьурчагу, бур гай виричушивуртту дурсса чиваркIуннал щахъами.Мукунсса бур 16 хъамитайпа. Бур ялагу Авгъаннал дяъвилул ца гьурттучинал ва Венгриянаву хьусса иширттал кIия гьурттучинал щахъами.

КIицI данну вайннул цIарду: Шагьруева Муслимат (Хъусращи), ХIасанова ПатIимат (Ккул), Масуева Качар (Ккул), Сулайманова Аьйша (Ккул), Аскандарова Сиясат (Ккул), МахIаммадова Рая (Ккул), Жалалова КIукIу (СумбатIул), Муслимова Нурижат (Ваччи), Щамхалова Басират (1-мур ЦIувкIул), Маммадиева ПатIимат (ЧIяйми), Юнусова Саният (ЧIяйми), Ибрагьимова Жарият (ЧIяйми), АхIмадова ПатIимат (ЦIуйши), ХIасанова Рукьижат (ЦIуйши), МахIаммадова ХIусайнат (ЦIуйши), Аьбдуллаева ПатIима (Вихьул), ХIажимурадова Залму (Къян), Сулайманова ПатIимат ( Хъювхъи), Сулайманова Зоя (Хъювхъи).
Ххувшаврил кьини Ккуллал райондалул бакIчи Шамил Рамазанов, ванал хъиривма Анатолий Давдиев, Ветерантурал совет­рал председатель Аьбдул Загьидиев лавгунни циняв щахъанничIан, вай барча буван ялун нанисса Ххувшаврил кьинилущал. Щахъами барча бавривух гьуртту хъанай бия шяраваллал бакIчиталгу. Циняв­ппагу щахъаннин буллунни арцущалсса конвертру.

ХIажимурад ХIусайнов