«Главное бюро МСЭ по РД». ФКУ-рал 4-мур составрал куннащал ку бавкьусса, ххуйсса коллективрал цIаниятугу, хасну ттулва цIаниятугу барча буллай ура Дагъусттаннал бусурман агьлу.
Зумаритавал байрандалущал. На умудрай ура, Зумаритавал байрандалийну дунияллийцири бусурман агьлу хъиншивуртту, хъинбалартту буллалисса, мубараксса Рамазан барз къуртал хьурчагу, хъиншиврул ва хъинбалардал ххуллийсса давурттив гихуннайгу дуллантIишиврийн, инсантурал дакIурдиву рахIму-цIими ва инсаншиву ххи хъанантIишиврийн. ЦIуллушиву, тирхханнурду ва ххаришивуртту чIа тIий ура на зун, ххирасса уссурвал ва ссурвал! Гьарцагу кулпатраву, гьарцагу къушлий барачатрал чани ликканнав!
Жамалуттин ЦIинпIаев,
ДР-лул Здравоохранениялул отличник, «Главное бюро МСЭ по РД» ФКУ-рал 4-мур составрал хъунама
«Главное бюро МСЭ по РД» ФКУ-рал 2-мур составрал хIакин-невропатолог, лараймур категориялул хIакин, Сулайманнул душ ПIаркьуева Зарема бувсса кьини барча дуллай буру.
ХIурмат лавайсса Зарема Сулаймановнай!
ДакIнихтуну барча буллай буру ина, даву ххуйну кIулсса, жаваблувшинна дусса, давриву дакI дирхьуну зузисса пишакар, ххаллилсса хъамитайпа, вихшаласса дус, дакI-аьмал хъинсса инсан, чумартсса дакIнил заллу. ЧIяру хьуннав вил оьрмулуву хъиншивуртту ва ххаришивуртту!
Вил чIарах насувча
ттуруллив, дяркъу,
Бургъил тIинттал ина
ххари булланнав,
Ххарисса кьинирдал
ххихху битаннав,
Барачат чIарату
хIура къахьуннав!
ЧIярусса шиннардий
цIуллусса оьрму,
ЧIярусса, чIярусса
ххаришивуртту
ЧIа тIий буру жу вин,
аьзиз Заремай,
Ина тачIаввагу
жун чан къабаннав!
Дустал, гьалмахтал,
даврил уртакьтал
