[dropcap]В[/dropcap]иричунан чу ххирар,
Багъманчинан багъ ххирар.
Вингу Дагъусттан ххирар,
Жавгьар кунма, партIи бан.

Арулвагу барчаллагь,
Хьуннав хъинсса виричуй,
Щаллагу дунияллийх,
Дагъусттан машгьур бувсса.
Гьидаят Жалалова

[dropcap]У[/dropcap]кунсса мукъурттий тIивтIуна Ккуллал шяраваллил библиотекалийсса литературалул вечер биб­лиотекалул каялувчи ХIажиева Аьйшал. Ва хас дурну дия Расул ХIамзатовлун 95 шин там шаврин. ХIасул дурну дия Расул ХIамзатовлул луттирдал выставка.
Ккуллал цалчинмур школалул оьрчIал бакIчи Мутаева Ширинатлул бувсуна Расуллул оьрмулия. Расуллул шеърирду бувккуна 7-8-ми классирттал оьрчIал.
Расуллул творчествалия­сса ихтилат бувна школалул ни­ттил мазрал учитель ХIусайнова Уммул. Ванил кIицI бувна шаэрнал шеърирдава чIявуми ла­кку мазрайнгу таржума бувну бушиву, бувккуна «Кьурукьру», «Ниттил маз» тIисса шеърирду. «Кьурукьру» тIисса балай щаллу бувна 8-мур классрал душварал – МахIаммадовал ва Аьбдуллаевал.
Расул ХIамзатовлул творчествалиясса цала пикрирду кIибавчIуна школалул завуч Абакаров ХIусманнул. Ванал кIицI лавгуна Расуллул шеърирду ккала­ккима тачIав къааьйкьинтIишиву, гайннуву оьрмулул ишру ккаккан буллалисса чIявусса аькьилсса ххару буну тIий.

Аьйша ХIажиева,
Ккуллал шяраваллил
библиотекалул каялувчи