Декабрь зурул 14-нний ЦIу­ссалакрал райондалул администрациялул бакIчи ХIажи Айдиевлул кьамул бунни агьали.

Агьалинал райондалул бакI­чинал хьхьичIун лавсъсса чIявуми масъалартту цIусса миналийн би­зав­рицIун, цалва къатри хьхьи­чI­­­васса заллухъруннахьхьун ду­лаврицIун бавхIусса бия. Агьалинал та­вакъю бия цIусса миналий аьрщи дулара, бизан буллалиминнал сияхIрайн ласияра ва мукунминнал статус дулара тIисса.
Ва кьини райондалул бакIчи­начIа мукунма гьаз хьунни инсантал давурттал дузал баврил, Новостройрал шяраваллаву токрал ва щинал щаллушинна даврил масъалартту. ХIажи Айдиевлул, гьарица цачIана увкIсса инсаннах вичIигу дирхьуну, тIутIимур лалавсунни. Цаппара масъаларттал хIакъираву бусса кIанайва бувчIинбавуртту дунни, цаппарассаннахьгу чагъарду чивчуну гьан банна увкунни.