ХIурмат бусса Аьвдурашид МахIаммадович! ДакI­нийх­туну барча тIий ура вихь юбилей.
Закондалул къаралданий авцIуну, агьалинал мурадру буручлачаву, миннал мюхчаншиву дузал даву – му укуннасса даву дакъар. Му къучагъсса, кьянкьасса инсантурал, хIакьсса патриотътурал дакIнил лавсъсса пишари. Вила оьрму ина бувтун бур дакI марцIну къуллугърал бурж биттур баврил ва дакIнийхтуну Ватан ххирашиврул эбратну.
Барчаллагь тIий ура респуб­ликалий захIматсса тагьар ду­сса чIумал цачIу къуллугъ буллай бивкIсса шиннардихлу. Та ппурттуву на зузисса подразделениялул хьхьичI бивхьусса бигарду бия налогирттал ва экономикалул тахсиркаршивуртту ашкара даву, терроризмалул иширттан арцу нанисса ххуллурду кьукьаву, арцурду цIиклакисса хIарамзадатуращал талатаву.
Вил гьурттушиндарайну, Аьвдурашид МахIаммадович, жущара вай иширттаву ххуйсса ккаккияртту дан бювхъунни.

ХIакьинусса кьинигу вил каялувшиндаралу ДР-лул Виваллил иширттал министерствалул цала къуллугърал буржру бартбигьавриву ххуй­сса ккаккияртту чIалачIи дуллай бур.
МукIрура, вил пишакаршиврул даража, чIярусса шиннардийсса опыт уттиния тихунмайгу паччахIлугърал агьамсса бигарду бартбигьавриву бучIи ля­къинссар тIий.
ДакIнийхтуну чIа тIий ура вин цIуллушиву, оьрмулул ххуллий ва къуллугърал иширттаву тIайлабацIу.
ХIурматращал ДР-лул ХIукуматрал председатель Аь.М. Аьбдулмуслимов