ЦIа дурксса спортсментал ялапар хъанайгу, спортрахун вардиш хъанайгу бивкIсса кIанттурдайн туристътал занансса ххуллурду (маршрутру) бувансса пикри хьуну бур Дагъусттаннал властирдан.
Миннавасса цану хъанай ур Абсолютсса ияврил чемпионатрал (UFC) мухIлу ларсъсса ХIабиб НурмахIаммадов. Мунил хIакъираву бувсунни ДР-лул туризмалул ва халкьуннал касмурдал министрнал хъиривчу Анна Безруковал.
Мунил тIимунийну, цIана Туризмалул министерство луглай дур мукунсса маршрутирттайх туристътал буцлансса туроператорнах. Му ккаккан увсса чIумал, ДР-лул Cпортрал министерствалулгу, Туризмалул министерствалулгу цачIу хIадур дувантIий дур маршрутру.
