Июль зурул 13-нний «Дагестанская правда» кказитрал редакциялий хьунни дунияллийх цIа ларгсса аьлимчу, академик, торпедарттал ва ракетный ярагъуннил ахттарчи Шамил Аьлиевичлул пресс-конференция. Ва хас дурну дия ванал дурсса элмийсса ахттаршиннардал энциклопедияртту итабакьаврин.
ЧIал къавхьуну академикнал 25-хъул шинал лажиндарай ахттар дуллай ивкIсса элмийсса давурттал мукьва томрайсса «Торпедное оружие» тIисса мюрщи энциклопедияртту буккантIиссар дунияллийн. Шамил Аьлиевлул монографиярттал агьамсса кIану бугьлай бур, республикалул бакъассагу, Аьрасатнал аьралий-промышленностьрал комплекс хьхьичIунмай бавриву.
Прикладной математикалул ва вычислительный техникалул профессор, аьралий техникалул ва ВМФ-рал вооружениялул техникалул элмурдал доктор, Аьрасатнал миллатрал прикладной ва теоретический механикалул комитетрал язи увчIума. ХIат-хIисав дакъасса дур ванал элмулул ххуллий лайкь дурсса хьхьичIуннайшивуртту. Аьлимчунал цIа дурххун дур «Аьрасатнал элмурдал академиялул энциклопедиялул» «Корабли и суда» тIимур бутIувун. Мукунна, аьлимчунал цIа дуссар Аьрасатнал хьхьирил энциклопедиялуву аналитический проектру даврил гьану бивзсса аьлимчу хIисаврай.
Шамил Гимбатовичлул къуртал бувну бур Ленинградуллал кораблестроительный институт.
