[dropcap]А[/dropcap]вгуст зурул кIинний ДР-лул ЦIуллу-сагъшиву дуруччаврил министерствалий коронавирусрацIун дархIусса хIакьинусса тагьарданул хIакъиравусса агьамсса масъалартту гьаз бунни. Министр Татьяна Беляеващал хьунабавкьунни миллатирттал политикалул ва динийсса иширтталсса буллалисса министр Энрик Муслимов ва Муфтиятрал председатель Шамил Аьлиханов.

Татьяна Беляевал бувсунни коронавирусрал къашавайми чан хъанай бакъашиву, тагьар уттигу нигь рутлатисса душиву, Дагъусттаннал духовенствалущал уртакьну зун багьлай бушиву, махъгу, пикригу ца бувну. Ванил кIицI лавгунни ва кIану хIисавравун лавсун, хасну муфтийная уттинингу мудан кумаг хьушиву, уттиния тинмайгу къулагъас хIура къадуван багьлай бушиву баласса иширавату букканшиврул.

[dropcap]Ш[/dropcap]амил Аьлихановлул кIицI лавгунни муфтиятрал укуннагу шайссаксса къулагъас душиву коронавирусрал тагьарданух, хIакинтурал-пишакартурал тIутIимуних вичIи дирхьуну къуццу тIутIияра тIисса оьвчавуртту дуршиву цимилагу, мизитирттавугу гьаз бувшиву шаппа-шаппа хъин къахъанай, чIумуй хIакинтурайн буккан аьркиншиврий мукIру буллалисса ихтилатру. «Агьалинан цивппа духтуртал хьуну хъин хъана­хъаврия хъунмасса зарал бушиву бувчIин бувавугу агьамссар»,– увкунни Аьлихановлул.